大病一埸?!

唉, 終於病倒了 :(
自5月頭起不停為工作及出trip的準備而忙碌, 休息的時間亦相對減少了... 結果稍為鬆懈下來便發病起來...
星期二接近放工時已感到自己全身發熱, 結果回到家中便開始發燒... 吃了退燒藥依然難以安睡, 身體冒汗卻覺得顫寒顫凍... 迫不得以下, 於翌日上班前去看了醫生, 醫生見到我卻說"咦, 你都好耐無睇病囉喎, 對上一次係--零四年十月(?!)" 我心諗: 緊係啦, 依家我無公司的醫療津貼, 睇一次醫生要自己俾$250... 我今次唔係發燒都唔想睇醫生啦! 結果, 醫生話我喉嚨勁發炎, 俾左d藥我就打發我走... 在還未完成手頭上工作的情況下, 唯有繼續返工...
但唔知係咪d病菌勁得滯, 定係我工作太勞累, 抑或係d藥的問題... 我放工時對眼極度乾澀及痛, 回到家中發現對眼不停流出分泌物, 而且雙眼通紅, 應該又係發炎啦... 在看東西也出現問題的情況下, 我無心機去找旅行的資料, 罕有地提早睡覺... 第二朝起來, 流分泌物的情況已受控, 但對眼卻又紅又腫... 回到公司, 同事見到我時, 嘲笑我是否失戀喊成咁, 我答我連拖都未有點失戀呀! 之後佢地又話我對眼腫左, 個樣好睇好多, 似Rain喎... 激死!!! 但好彩有佢地講下笑, 個人都精神d可以繼續工作...
現在身體算恢復了點, 但喉嚨依舊痛, 亦有幾聲咳... 這次事件令我再次醒起, 原來身體健康真係好緊要, 不單只是去旅行, 甚至是出去玩或者吃食物, 也會因身體不佳而興致大大減少...
所以還是要好好對待自己的身體, 保持足夠的休息才對 :)